Линктер

ЧУКУЛ КАБАР!
13-Июнь, 2021 жекшемби, Бишкек убактысы 17:33

Милиция Чүйдө бир күндө эки өспүрүм жанын кыйганын тастыктады


Иллюстрациялык сүрөт.

Чүйдө бир күндө эки өспүрүмдүн өлүмү катталды. Бул маалыматты облустук милиция тастыктады. Мекеменин маалыматына караганда, окуучу балдар өз жанын өздөрү кыйган.

Каргашалуу окуялар Ысык-Ата районунда 29-мартта эки башка айылда болгон. Бири эртең менен, экинчиси кечинде катталган.

Буга чейин Ысык-Көл облусунда соңку жарым айда беш өспүрүм өз жанын кыйганы кабарланган.

Кыргызстанда COVID-19 вирусунун жайылышынын алдын алуу максатында Коопсуздук кеңешинин чечими менен жалпы билим берүүчү мектептердин окуучулары 16-марттан баштап эс алууга таратылган. Республика боюнча 18-марттан тартып өзгөчө кырдаал, ал эми коронавирус катталган айрым аймактарга 25-марттан баштап өзгөчө абал киргизилген.

Республикалык штабдын 3-апрелдеги маалыматына караганда, өлкө боюнча коронавирус жуккандардын саны 130 кишиге жетти, алардын бирөө каза болду.

Жакында Жогорку Кеңештин депутаты Пархат Тулендыбаев Кыргызстанда 2019-жылы 46 өспүрүм жанын кыйганын айтып, балдар арасында суицидди азайтууга мамлекеттик деңгээлде көңүл бурууга чакырган. (RK)

Пикирлерди көрүңүз (3)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG