Линктер

ЧУКУЛ КАБАР!
27-Февраль, 2021 ишемби, Бишкек убактысы 22:20

Боронов: кемчилик кетирген жетекчилер жоопкерчиликке тартылат 


Штабдын жыйынында.

5-апрелде вице-премьер-министр Кубатбек Боронов республикалык ыкчам штабдын кезектеги жыйынын өткөрдү. Анда Боронов уюштуруу иштеринде кемчилик кетирген жергиликтүү бийликтин өкүлдөрү кызматтан гана алынбастан, жоопкерчиликке тартыларын эскертти.

Вице-премьер-министр өкмөттүн Жалал-Абад облусундагы өкүлү Нурболот Мирзахмедовго Ала-Бука районунун акими кемчилик кетиргенин айтып, чара көрүүнү сунуш кылды.

«Уюштуруу маселесин тийиштүү деңгээлде чече албаган жетекчилерге талап катуу болот. Ала-Бука районунун акими бир күн кечке кен иштетүү жайына вахтага баргандарды себепсиз кармап отурду. Өндүрүш процессин токтотпоо маселесине президент көңүл буруп атат», - деди вице-премьер-министр.

Ошондой эле Саламаттык сактоо министрлигине Ала-Бука райондук ооруканасынын башкы дарыгери медициналык кызматкерлердин коопсуздугу боюнча тийиштүү деңгээлде иш алып барбаганын белгилеп, маселени иликтеп чыгып, тиешелүү чечим кабыл алууну тапшырды.

Пикирлерди көрүңүз (11)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG