Линктер

ЧУКУЛ КАБАР!
3-декабрь, 2020 бейшемби, Бишкек убактысы 22:55

Президент баштаган жетекчилер 7-апрель курмандыктарын эскеришти


«Ата-Бейит» мемориалдык комплексинде Апрель баатырларын эскерүү. 7-апрель, 2020-жыл.

Мамлекет башчы Сооронбай Жээнбеков «Ата-Бейит» мемориалдык комплексиндеги Апрель баатырларына тургузулган эстеликке гүлчамбар койду. Маркумдардын арбагына багышталып куран окулду.

Президенттик аппараттын маалыматтык саясат бөлүмү кабарлагандай, президент Жээнбеков ошондой эле «Ата-Бейиттеги» Үркүндүн, саясий репрессиянын курмандыктарына жана Чыңгыз Айтматовдун эстелигине да гүл койду.

Эскерүү иш-чарасына Жогорку Кеңештин төрагасы Дастанбек Жумабеков, Жогорку соттун төрайымы Гүлбара Калиева, экс-президент Роза Отунбаева жана биринчи вице-премьер-министр Кубатбек Боронов.

«Ата-Бейиттеги» эскерүүдөн кийин мамлекет башчы Сооронбай Жээнбеков Ала-Тоо аянтындагы «Аксы жана Апрель окуялары учурунда эркиндик үчүн күрөштө курман болгондордун» эстелигине гүлчамбар койду.

2010-жылы 7-апрелде Кыргызстанда Курманбек Бакиев башында турган бийлик көтөрүлүш жолу менен кетирилген. Анын алдында аянттагы нааразылык акциясына чыккан элге ок атылып, ошол күнү кеминде 87 кишинин өмүрү кыйылган. (ZKo)

Пикирлерди көрүңүз (6)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG