Линктер

ЧУКУЛ КАБАР!
29-ноябрь, 2020 жекшемби, Бишкек убактысы 07:58

Жалал-Абадда 106 медицина кызматкери обсервацияда


Иллюстрациялык сүрөт.

Жалал-Абад облусунда нөөмөттөгү жана илдети аныкталган дарыгерлер менен байланышта болгон 106 медицина кызматкери обсервацияга алынды. Бул тууралуу саламаттык сактоо боюнча облустук штабдын башчысынын орун басары Арстанбек Боржиев Жалал-Абаддагы онлайн брифингде билдирди.

«Обсервацияда жаткандардын ичинен 57си - 14 күндүк нөөмөт алмашкан дарыгерлер. Калган 49у илдет аныкталган санэпидкөзөмөл дарыгери менен байланышта болгон шаардык санитардык эпидемиологиялык борборунун кызматкерлери. Алар өз иш бөлмөсүндө жана Жалал-Абад курортуна карантинге жаткырылган. Анализдери алынып, толук жыйынтыгы чыга элек», - деди Боржиев.

Жалал-Абад облусунда коронавирус аныкталган жети дарыгердин бешөө - Ала-Бука аймактык ооруканасынын, бирөө - Жалал-Абад облустук клиниканасынын жана дагы бири - шаардык санитардык эпидемиологиялык борборунун кызматкери.

Кыргызстанда 7-апрелге карата коронавирустун жаңы түрү жуккан дарыгерлер 19 киши болду. Булардын ичинен 7 дарыгердики акыркы суткада аныкталды.

18-марттан бери Кыргызстанда COVID-19 вирусу 228 адамдан табылды. Алардын 23ү айыкты, 4 киши каза болду. (RsK)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG