Линктер

ЧУКУЛ КАБАР!
30-май, 2020 ишемби, Бишкек убактысы 15:18

«Оксфам» бай өлкөлөрдү жакырларга жардам берүүгө чакырат


«Оксфам» уюму.

«Оксфам» уюму пандемия кесепетинен 500 миллион адам жакырчылык сазына батышы ыктымал экенин белгилеп, бакубат өлкөлөрдүн лидерлерин комплекстүү куткаруу жагынан чара көрүүгө чакырды.

9-апрелдеги баяндамасында уюм кризис шартында бай өлкөлөр өз экономикасын колдоого триллиондогон доллар чыгара аларын көрсөтүшкөнүн, ушундай эле көмөктү жакыр өлкөлөргө да уюштуруу зарыл болорун жазды.

«Глобалдык жакырчылык алгач ирет 1990-жылдагыдан да жогорулашы мүмкүн», деп тактады «Оксфам».

Уюм пандемиянын терс таасирин жумшартуу максатында «Баары үчүн чукул жардам пакети» аттуу планын сунуш кылды. Анда өнүгүп келаткан өлкөлөрдүн 1 триллион долларга чейин карызын быйыл кечүү, каржылык жардам көрсөткөн эл аралык резерв түзүү, саламаттык тармагына кошумча 500 млрд. доллар бөлүү каралган.

«Оксфам» (Oxfam) уюму - дүйнөдө жакырчылыкты жоюу багытында иш жүргүзгөн кайрымдуулук уюмдарынын эл аралык бирикмеси.

XS
SM
MD
LG