Линктер

ЧУКУЛ КАБАР!
30-ноябрь, 2020 дүйшөмбү, Бишкек убактысы 20:39

Кытай итти эти желе турган жаныбарлардын катарынан чыгарды


Кытайдагы иттин этин саткан базар.

Кытайдын Айыл чарба министрлиги итти эти желе турган жаныбарлардын тизмесинен чыгарды. Бул тууралуу ишкерлик темасына ылайыкташкан британиялык «Quartz» агенттиги жазды.

Мекеменин жакында жарыялаган тизмесинде «адамзат цивилизациясынын жана коомчулуктун жаныбарларга камкордугунун өнүгүшүнө байланыштуу иттер адамга шерик жаныбарга айланды» деп белгиленет министрликтин документинде.

Үй жаныбарлары деген акыркы тизмеге уй, кой, тоок, үндүк, чочко сыяктуу жаныбардын 13 түрү киргизилген. Андан тышкары бугу баштаган 18 түрлүү жапайы жаныбарды да азыктануу максатында бакса болору белгиленген.

Бул тизме кеңейтилиши да ыктымал, документ 8-майга чейин коомдук талкууга чыгарылды.

«Quartz» бул документтин пайда болушу жаңы коронавирус жапайы жаныбардан адамга жуккан деген шектенүүнү күчөткөнүн жазды. Февраль айында Кытай жапайы жаныбарлардын этин жегенге убактылуу тыюу салган.

Гонконгдогу «Animals Asia» жаныбарларды коргоо уюмунун маалыматына караганда Кытайда азык үчүн жылына 10 миллионго жакын ит өлтүрүлөт.

Пикирлерди көрүңүз (7)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG