Линктер

ЧУКУЛ КАБАР!
1-Декабрь, 2021 шаршемби, Бишкек убактысы 03:18

№17 бейтапкананын кызматкерлери «Garden» мейманканасында жатышат


Иллюстрациялык сүрөт.

Саламаттык сактоо министрлигинин маалыматына ылайык, №17 Үй-бүлөлүк медицина борборунун 22 кызматкери “Garden” отелинде обсервацияда жатат. Медициналык кызматкерлер “Ак-Кеме” мейманканасындагы карантиндик зонага жатуудан баш тартышкан. Алардан алынган анализдердин жыйынтыгы чыга элек.

17-апрелде бул медицина жайынын төрт кызматкеринен коронавирус табылгандыктан №17 бейтапкананын башкы имараты жабылып, филиалы ишин уланта бере турганы кабарланган. №17 бейтапкана Бишкектин Ленин районунун аймагында жайгашкан.

18-апрелде Коронавирустун алдын алуу боюнча республикалык штаб Бишкектеги №13 Үй-бүлөлүк медицина борбору жабылганы тууралуу айтты.

Буга медицина борборунун убактылуу жабылышына бир дарыгердин коронавируска күмөн саналганы себеп болгон. Дарыгерден эки жолу COVID-19 вирусуна анализдер алынып таза чыккан.

Саламаттык сактоо министрлиги бул мекеме качан жабылганы тууралуу сурообузга кечирээк жооп бере турганын билдирди.

Республикалык штабдын маалыматына ылайык, учурда тазалоо иштери жүргүзүлүп жатат. 19-апрелден баштап №13 үй-бүлөлүк медицина борбору штаттык тартипте иштей баштайт. (TSh)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG