Линктер

ЧУКУЛ КАБАР!
1-декабрь, 2020 шейшемби, Бишкек убактысы 18:49

Мэрия №13 үй-бүлөлүк медицина борбору боюнча штабдын маалыматын четке какты


№13 үй-бүлөлүк медицина борбору

Бишкек мэриясы №13 үй-бүлөлүк медицина борбору убактылуу жабылганы тууралуу маалыматты төгүндөдү. Бул тууралуу аталган мекеме сайты аркылуу билдирүү таратты.

Анда шаардык саламаттык сактоо башкармалыгынын жетекчиси Бактыгул Исмаилова №13 үй-бүлөлүк медицина борбору бир да күн жабылбаганын, маал-маалы менен дезинфекция иштери жүргүзүлүп жатканын билдирди. Анын айтымында, бардык медициналык кызматкерлер штаттык режимде иштеп жатат.

Мэриянын маалыматына ылайык, коронавирус илдетине чалдыккандар менен байланышкандардын арасында үй-бүлөлүк медицина борборунун бир дарыгери болгон. Бирок, ал кызматкерге байланыштуу дароо бардык коопсуздук чаралары жасалган. Коопсуздук үчүн 15 кызматкер үй карантинине жөнөтүлгөн, алардан алынган экспресс-тест таза чыккан. Жакынкы күндөрү лаборатория ПЦР анализин алат. Мэрия шаардыктарды маалыматтарды расмий органдар тактамайынча таратпоого чакырат.

18-апрель эртең менен Коронавирустун алдын-алуу боюнча республикалык штабдын Telegram каналы Бишкектеги №13 Үй-бүлөлүк медицина борбору жабылганы тууралуу маалымат тараткан. (TSh)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG