Линктер

ЧУКУЛ КАБАР!
2-декабрь, 2020 шаршемби, Бишкек убактысы 17:45

Чехиядагы орус элчилиги Немцов атындагы аянттан "көчүп" кетти


Прагадагы аянтка Борис Немцовдун аты ушул жылдын февраль айында берилген.

Орусиянын Чехиядагы элчилиги Прага шаарындагы Немцов атындагы аянттагы дарегин мындан ары документ алышып-беришүүдө көрсөтпөй турганын билдирди. Бул тууралуу алар чех бийлигине кабарлашты. Ага ылайык, элчиликтин башкы имараты ошол аянтта эле калат, бирок расмий документтерде юридикалык дареги катары Коруновачни көчөсүндөгү консулдук бөлүмүнүн дареги жазылат.

Элчилик юридикалык дарегин алмаштырган себеби тууралуу эч кандай комментарий берген жок.

Ушул жылдын февраль айында Орусиянын Прага шаарындагы элчилиги жайгашкан аймактагы аянтка орус опозициячыл саясатчысы, маркум Борис Немцовдун ысымы берилген.

2018-жылдын февраль айында Орусиянын Вашингтондогу элчилигинин алдында Немцов атындагы аянт ачылган. Кийин ушундай эле кадамга Литванын баш калаасы Вильнюс да барган.

Борис Ельциндин тушунда вице-премьерлик кызматты аркалаган Немцов Орусиянын азыркы лидери Владимир Путиндин саясатын ачык сындап келгендердин бири болчу. Ал 2015-жылдын 27-февралында Кремлдин жанында атылган. Кылмыш боюнча беш адам соттолгон. Ошол эле маалда тергөө буйрук бергендерди таба алган эмес.

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG