Линктер

ЧУКУЛ КАБАР!
25-ноябрь, 2020 шаршемби, Бишкек убактысы 00:21

Кыргызстанда дары-дармек 15-20% чейин кымбаттады


Иллюстрациялык сүрөт.

Бул тууралуу Кыргызстандын Фармацевттер бирикмесинин төрагасы Эрнист Асанов Бишкекте брифингде билдирди. Анын айтымында, өлкөдөгү дары-дармектердин кымбатташына чек араларынын жабылышынан улам дары алып келүүгө кеткен чыгымдар көбөйгөнү себеп болуп жатат. Буга кошумча доллардын курсунун көтөрүлүшү да таасирин тийгизүүдө.

«Учурда Орусиядагы айрым заводдор дарынын баасын 15-20% чейин көтөрүп жиберишти. Ошондуктан өлкөдө дарылардын кымбатташы сезилип жатат. Буга карабастан биз дары менен камсыз кылып жатабыз», - деди Асанов.

Бирикменин төрагасы учурда өлкөдө дары-дармек кымбаттаганы менен алардын жетишсиздиги жок экенин кошумчалады.

Асанов ошондой эле ушу тапта өзгөчө абал режимине байланыштуу фармацевттердин уруксат кагаз алышында кыйынчылык болуп, ал өз кезегинде дары-дармектерди тиешелүү тараптарга жеткирүү түйшүк жаратууда дейт. Анын айтымында бул маселени бийлик чечип бериши керек. (BkA)​

Пикирлерди көрүңүз (6)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG