Линктер

ЧУКУЛ КАБАР!
29-ноябрь, 2020 жекшемби, Бишкек убактысы 16:09

Исмаилова: Коргонуучу каражаттар жетиштүү


Аида Исмаилова.

Медицина кызматкерлери үчүн каралган коргонуучу каражаттар жетиштүү. Бул тууралуу вице-премьер-министр Аида Исмаилова 21-апрелдеги брифингде маалымдады. Анын айтымында, коргонуучу каражаттар бардык аймактарга тизме менен жеткирилип жатат, запасы күн сайын текшерилип турат.

«Мындан тышкары гуманитардык жардам аркылуу келген коргонуучу каражаттар да бар. Аймактардагы медициналык мекемелердин башчыларына жана башка жетекчилерге коргонуучу кийимдер менен кызматкерлерин камсыздоо тапшырылган», - деди Аида Исмаилова.

Вице-премьер-министр онкологиялык оорулуулар үчүн химиотерапия каражаттарын алууга 167 млн. сом бөлүнгөнүн, жакынкы күндөрү тендер жарыяланарын да айтып кетти. Исмаилованын маалыматына караганда, балдардын онкологиялык ооруканасында дары-дармектер, химиотерапия каражаттары жетиштүү. Ошондой эле өпкөнү жасалма дем алдыруучу жабдууларды сатып алуу маселеси да каралып жатат.

Кыргызстанда 21-апрелге карата 590 кишиден коронавирус илдети аныкталды. Анын ичинен 147си медициналык кызматкерлер. (ZKo)

Пикирлерди көрүңүз (14)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG