Ош облусу боюнча көп балалуу жана жардамга муктаж 360 мугалимге азык-түлүк баштыктары таратылды. Бул боюнча өкмөттүн Ош облусундагы ыйгарым укуктуу өкүлүнүн басма сөз кызматы билдирди.
Маалыматка ылайык Өзгөн районундагы бир нече билим берүү мекемелеринин кызматкерлерине азык-түлүк баштыктары жана коргонуучу, антисептикалык каражаттар таркатылды. Берилген жардамдын жалпы суммасы 145 миң сомду түздү.
Буга чейин Ноокат районундагы мугалимдерге да жогорудагыдай жардам берилген. Өкмөттүн өкүлчүлүгү жакында Кара-Суу районундагы билим берүү тармагында эмгектенген кызматкерлерге да жардам берүү пландалып жатканын билдирди. (DU)