Линктер

ЧУКУЛ КАБАР!
8-Декабрь, 2021 шаршемби, Бишкек убактысы 10:05

Евробиримдик он өлкөгө 3 млрд. евро бөлөт


Иллюстрациялык сүрөт.

Евробиримдик Чыгыш Европа өлкөлөрүнө, Туниске жана Иорданияга бир жыл ичинде 3 млрд. евро жардам берет. Европарламент менен биримдикке кирген өлкөлөр планды жакынкы апталарда бекиткени турушат.

Еврокомиссия каражат коронавирустун экономикалык кесепеттерин жумшартыш үчүн «абдан пайдалуу шарттар менен» сунушталганын билдирди.

Эң чоң бөлүгү – 1,2 млрд. евро - Украинага тиет. Постсоветтик дагы эки өлкө - Грузия 150 млн. евро, Молдова 100 млн. евро алышат.

Андан тышкары Босния, Албания, Косово, Түндүк Македония жана Черногория жардам алышат.

Ал эми Тунис 600 млн. евро, Иордания 200 млн. евро алганы турушат.

Коронавирус пандемиясына байланыштуу экономика токтогонуна байланыштуу дүйнөнүн өнүгүп келаткан өлкөлөрү катаал кризиске кабылып, бюджеттик таңкыстык көбөйүүдө.

Пикирлерди көрүңүз (5)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG