Линктер

ЧУКУЛ КАБАР!
28-ноябрь, 2020 ишемби, Бишкек убактысы 14:15

Ооган өкмөтү чабуулдарга карабай талибдерди бошотууда


8-апрелде түрмөдөн бошотулган талибдердин бири.

Ооганстандын өкмөтү шаршембиде дагы 71 талибди түрмөдөн бошотту. Бул тууралуу Улуттук коопсуздук кеңешинин расмий өкүлү Жавед Фейсал «Твиттерге» жазды.

Ошондо 8-апрелден бери Кабулдагы өкмөт жалпысынан 432 талибди эркиндикке чыгарды. Ал эми 12-апрелден тартып ооган коопсуздук күчтөрүнүн туткундагы 60 кызматкери бошотулган.

Бул оогандардын 19 жылдан берки жарандык согушун токтотуу максатында өз ара сүйлөшүүсүн баштоого карай кадамдар. Февраль айында АКШ бийлиги менен «Талибан» кыймылы макулдашууга жетишкен. Ага ылайык, ооган өкмөтү камактагы кыймылдын 5 миң мүчөсүн, талибдер миң туткунду бошотмой болгон.

Ага карабастан ортодо кандуу кол салуу уланууда. 21-апрелдин кечинде талибдердин кол салуусунан ооган коопсуздук күчтөрүнүн түндүктөгү Сари-Пул провинциясында 11, чыгыштагы Логар провинциясындагы сегиз кызматкери курман болушту. Ондогон адам жаракат алды.

Пикирлерди көрүңүз (4)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG