Линктер

ЧУКУЛ КАБАР!
30-ноябрь, 2020 дүйшөмбү, Бишкек убактысы 20:14

Тарых илимдеринин доктору, профессор Турду Жыргалбеков дүйнөдөн кайтты


Маркум Турду Жыргалбеков.

Кыргызстанда туризмдин өнүгүшүнө салым кошкон, тарых илимдеринин доктору, профессор Турду Жыргалбеков 21-апрелде дүйнөдөн кайтты. Бул тууралуу Жусуп Баласагын атындагы кыргыз улуттук университети билдирди.

Турду Жыргалбеков 1932-жылы 30-декабрда Нарын облусунун Ак-Талаа районунун Коңорчок айылында туулган. 1955-жылы Фрунзе шаарындагы Кыргыз мамлекеттик педагогикалык институтун бүтүргөн. 1961-жылы Москва шаарындагы ЦК КПССдин жогорку партия мектебин аяктаган. Профессор, тарых илимдеринин кандидаты. Жети монография, үч окуу курал, 70тен ашык илимий макалаларды чыгарган.

Эмгек жолун Ак-Талаа районунун орто мектебинде мугалим, райондук эл агартуу бөлүмүндө инспектор, андан соң райондук комсомол комитетинин биринчи катчысы, «Айыл турмушу» райондук гезитинин редактору болуп иштей баштаган.

1970-жылы кандидаттык диссертациясын жактап тарых илимдеринин кандидаты деген наам алган. 1998-жылы «тарых илимдеринин доктору», 2003-жылы «профессор» деген наамдарга ээ болгон.

Кыргызстанда туризмди өнүктүрүүдөгү эмгеги үчүн 2002-жылы «Кыргыз Республикасынын маданиятына эмгек сиңирген ишмер» деген наам ыйгарылган.

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG