Линктер

ЧУКУЛ КАБАР!
23-Июнь, 2021 шаршемби, Бишкек убактысы 20:40

Матраимов: Банктар насыя төлөө шартын түшүндүрүп берсин


Искендер Матраимов.

КСДП фракциясынын мүчөсү, Жогорку Кеңештин депутаты Искендер Матраимов өзгөчө кырдаал шартында банктардан алган насыяларын төлөөдөн кыйналып жаткан шайлоочулардан суроо көп болуп жатканын билдирди. Депутат насыяны, үстөк пайыздарды төлөө боюнча Улуттук банктын жана башка коммерциялык банктардын жетекчилери келип, толук маалымат беришин талап кылды.

Улуттук банк өзгөчө кырдаал шартында насыяны жана үстөк пайыздарын төлөө мөөнөтүн узартып берүүнү коммерциялык банктарга сунуш кылган. Айрым коммерциялык банктар насыяны мөөнөтүнөн кечиктирбей төлөөнү талап кылып жатканына даттангандар болууда.

Коронавирустун жайылышынын алдын алуу максатында Кыргызстанда 22-марттан тартып өзгөчө кырдаал киргизилген. 25-марттан тартып оору көп катталган Бишкек, Жалал-Абад, Ош шаарларында, Кара-Суу, Ноокат жана Сузак райондорунда өзгөчө абал жарыяланган. 15-апрелден тартып өзгөчө абал Нарын шаарына жана Ат-Башы районуна да киргизилген.

Президенттин 28-апрелдеги жарлыгына ылайык, өзгөчө абал Нарын шаарынан, Кара-Суу, Ноокат жана Сузак райондорунан алынган. (ZKo)

Пикирлерди көрүңүз (14)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG