Линктер

ЧУКУЛ КАБАР!
30-ноябрь, 2020 дүйшөмбү, Бишкек убактысы 23:11

Европадан студенттерди алып келүү маселеси каралууда


Кыргызстандык мигранттарды алып келген чартердик каттамдагы учак. Апрель, 2020-жыл.

Ушул тапта чет мамлекеттерде окуп жаткан 11 569 кыргызстандык студент бар. Алардын ичинен 7400ү Орусияда, 1859у Түркияда, 60 студент Польшада жана 80 студент Германияда. Бул тууралуу тышкы иштер министри Чыңгыз Айдарбеков 30-апрелде парламентте билдирди. Министр студенттердин каалоосуна жараша аларды алып келүү жөнүндө сүйлөшүүлөр жүргүзүлөрүн кабарлады.

Тышкы иштер министри сырттан келе албай жаткан кыргызстандык мигранттарды колдоо максатында бөлүнгөн акча тууралуу маалымат берип жатып, Бириккен Араб Эмираттарындагы мигранттарга бөлүнгөн 5 млн. сом тууралуу да айтып кетти. Министрдин сөзүнө караганда, ушул тапта 3,5 миңге жакын кыргызстандык жаран Бириккен Араб Эмираттарында жумушсуз калган.

Кыргыз өкмөтү чет мамлекеттерден келе албай жаткан кыргызстандык мигранттарды колдоо максатында 15 млн. сом бөлгөн. Анын 10 млн. сому Орусиядагы, 5 млн. сому Бириккен Араб Эмираттарындагы мигранттарды колдоо үчүн бөлүнгөнү кабарланган. (ZKo)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG