Линктер

ЧУКУЛ КАБАР!
1-декабрь, 2020 шейшемби, Бишкек убактысы 21:05

Жалпы республикалык тестирлөө күндөрү белгилүү болду


Иллюстрациялык сүрөт.

Кыргызстанда Жалпы республикалык тестирлөөгө (ЖРТ) катталуу жана аны өткөрүү күндөрү жарыяланды.

30-апрелде онлайн-брифингде билим берүү жана илим министри Каныбек Исаков билдиргендей, 4-майдан 15-майга чейин каттоо ачык болот. Ал эми негизги жана предметтик тесттерди тапшыруу 21-июндан 25-июнга чейин эки этапта өтөт.

Исаковдун айтымында, «бул үчүн бөлмөлөрдүн ичи дезинфекцияланып, абитуриенттердин ортосундагы аралык сакталат жана санитардык-эпидемиологиялык талаптар аткарылат».

Министрлик белгилегендей:

- 21-июнда негизги тестти тапшыруунун 1-этабы;

- 22-июнда предметтик тестти тапшыруунун 1-этабы;

- 24-июнда негизги тестти тапшыруунун 2-этабы өтөт;

- 25-июнда предметтик тестти тапшыруунун 2-этабы өтөт;

- ЖРТ жыйынтыктарын жарыялап, таратуу 13-19-июлда жүрөт;

- 20-июлда жогорку окуу жайга тапшыруунун биринчи туру;

- 27-июлда жогорку окуу жайга тапшыруунун экинчи туру;

- 3-августта жогорку окуу жайга тапшыруунун үчүнчү туру өтөт.

Ал эми адистештирилген орто окуу жайларына документтерди тапшыруу 1-июлда башталат.

Коронавирустун жайылышын алдын алуу максатында киргизилген чектөөлөрдөн улам Кыргызстанда көптөгөн мекеме-ишканалар сыяктуу эле мектептер, жогорку окуу жайлары жана бала бакчалар да убактылуу жабылган. (RK)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG