Линктер

ЧУКУЛ КАБАР!
25-ноябрь, 2020 шаршемби, Бишкек убактысы 11:10

2-май: Коронавирус 13 адамдан жаңы табылды, 23 адам айыкты


Иллюстрациялык сүрөт.

2-майга карата Кыргызстанда соңку бир сутка ичинде 13 адамдан коронавирус жаңы аныкталды. Алардын экөө - медицина кызматкерлери. Бул тууралуу Саламаттык сактоо министрлигинин коомдук саламаттык башкармалыгынын жетекчиси Айнура Акматова 2-майда брифингде кабарлады.

Жаңы катталган 13 бейтаптын үчөө Бишкек шаарында, бирөө Ош облусунда, экөө Ош шаарында, төртөө Жалал-Абат облусунда, экөө Баткен облусунда, бирөө Нарын облусунда катталды.

Бир сутка ичинде 23 бейтап айыгып чыкты.

Жалпысын 2-майга карата Кыргызстанда бул илдет 769 адамга жукту, алардын сегизи кайтыш болду, 527 бейтап сакайып кетти.

769 адамдын 200ү медицина кызматкери, алардын 114ү айыкты.

Коронавируска байланыштуу 30-апрелге чейин Бишкек, Ош, Жалал-Абад жана Нарын шаарларына, Ош облусунун Ноокат жана Кара-Суу райондоруна, Жалал-Абад облусунун Сузак районуна жана Нарын облусунун Ат-Башы районунун аймагына өзгөчө абал киргизилген.

28-апрелде Коопсуздук кеңешинин чечими менен өзгөчө абал Бишкек, Ош, Жалал-Абад шаарларында жана Ат-Башы районунда 10-майга чейин узартылды, ал эми калган аймактарда өзгөчө кырдаал режими калтырылды.

Кыргызстандык адистер өлкөдө коронавирус жуккандардын саны эң көп каттала турган мөөнөт 20-24-апрель болот деп болжолдогон.(ZKo)

Пикирлерди көрүңүз (3)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG