Линктер

ЧУКУЛ КАБАР!
2-Март, 2021 шейшемби, Бишкек убактысы 14:54

Казак Сенатынын спикери болуп Маулен Ашимбаев шайланды


Маулен Ашимбаев. 19-май, 2017-жыл. Архивдик сүрөт.

Казак Сенатынын спикери болуп президенттик администрациянын жетекчисинин мурдагы биринчи орун басары Маулен Ашимбаев шайланды. Бул тууралуу мамлекет башчынын басма сөз катчысы Берик Курмангали 4-майда «Фейсбуктагы» баракчасына жазды. Спикердин орду 2-майда президент Касым-Жомарт Токаев Дарига Назарбаеванын депутаттык мандатын токтотуу тууралуу буйрукка кол койгондон кийин бошогон.

Дүйшөмбү күнү Маулен Ашимбаев Сенаттын депутаты болуп дайындалганы жөнүндө буйрук президенттин кеңсесинин расмий сайтында жарыяланган. Ашимбаевдин ордуна буга чейин маалымат жана коомдук өнүгүү министри болуп иштеген Даурен Абаев келди. Ушул эле күнү Борбордук шайлоо комиссиясы Дарига Назарбаеванын депутаттык ыйгарым укуктары токтотулганын жарыялады.

Ашимбаев былтыр июль айынан бери президенттин жардамчысы болуп иштеп, декабрда президенттик администрация жетекчисинин биринчи орун басары болуп дайындалган. Ал буга чейин эки жолу бийликтеги «Нур Отан» партиясынан Мажлистин депутаты болуп шайланган.

Казак Конституциясына ылайык, мамлекет башчы кызматтан кетсе же каза болсо, анын ордун Сенаттын спикери ээлейт.

Кошуна өлкөдө Сенаттын 15 депутаты президент тарабынан дайындалат.

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG