Линктер

ЧУКУЛ КАБАР!
2-декабрь, 2020 шаршемби, Бишкек убактысы 02:31

Түркмөнстанда катуу шамалдан жапа чеккендер жардам алган жок


Лебап району. 28-апрель, 2020-жыл.

Түркмөнстандын Лебап жана Мары облустарындагы бир катар шаарлар менен райондордун тургундары өкмөт өткөн жумадагы кыйратуучу шамалдан кийин аларга эч кандай жардам бербегенин айтышууда.

«Азаттыктын» түркмөн кызматынын кабарына караганда, 27-апрелде кечки саат 7лерде болгон катуу шамалдан каза тапкандар 30 кишиден ашты.

Кырсык болгондон бери бир жума өтсө да канча адам каза болгону, канчасы табылып, канчасы дайынсыз жоголгону тууралуу расмий Ашхабад бир да маалымат чыгара элек.

Кырсыктан жапа чеккен аймакта 4-майда нөшөрлөгөн жаан жаады. Азык-түлүк кымбаттап кетип, тамак-аш тартыш болуп турганын «Азаттыктын» кабарчысы билдирди.

Айрым жергиликтүү жашоочулар бийлик өкүлдөрү аларды «өкмөткө эч кандай дооматым жок» деген кагаздарга кол койдурушканына нааразы болушууда.

Лебап районунун борбору Түркмөнабад шаарында чыгымга учураган үй ээлерине арзаныраак баада курулуш материалдарын сунуш кылып жатышат. Бирок элдин колунда нак акча жок экени айтылууда.

Шамалдан кийин газ жана суу берүү калыбына келтириле элек.

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG