Линктер

ЧУКУЛ КАБАР!
29-Ноябрь, 2021 дүйшөмбү, Бишкек убактысы 00:06

Түндүк-Түштүк альтернативдүү жолунун курулушу жанданды


Түндүк-Түштүк жолуна салынган көпүрө.

Өлкөнүн түндүк-түштүгүн бириктирген альтернативдүү жолунун Нарын аймагынан өтө турган бөлүгүнүн иши башталды. Бул тууралуу өкмөттүн Нарын облусундагы ыйгарым укуктуу өкүлү Эмилбек Алымкулов маалымдады. Анын айтымында, 1-майдан баштап ишмердүүлүгүнө уруксат берилген ишканалардын ичинде жол курулушчулары да бар.

“Нарын аймагынан Түндүк-Түштүк альтернативдүү жолу өтөт. 2-майдан тартып иш башталды. Жумушчуларынын анализдерин алдык”, - деди Алымкулов.

Мындан тышкары Нарында кен тармагы, көмүр казуу иштерин дагы жанданды. Нарын облусу боюнча коронавирус жуккан 98 бейтаптын 78и айыгып чыкканы маалым болду.

Буга чейин өлкөнүн түндүк-түштүгүн бириктирген альтернативдүү жолун 2023-жылы пайдаланууга берүү пландалып жаткан. Дээрлик 500 млн. долларды чапчыган Түндүк-Түштүк альтернативдүү жолунун жалпы узундугу 433 чакырымды түзөт. Анын 1-2-фазасын куруш үчүн Кытайдан 400 млн. доллар алуу боюнча 2014-жылы келишим түзүлгөн. 3-фазасын куруш үчүн Азия өнүктүрүү банкынан жана Сауд Арабиясынын Өнүктүрүү фондунан 32 млн. доллар алуу боюнча келишим түзүлгөн. (TSh)

Пикирлерди көрүңүз (3)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG