Линктер

ЧУКУЛ КАБАР!
1-декабрь, 2020 шейшемби, Бишкек убактысы 05:32

Ысык-Көл облусунда коронавирус жуккандардын баары айыкты


Ысык-Көл.

Ысык-Көл облусунда COVID-19 жуккан бейтаптардын баары сакайды. Бул тууралуу 5-майда Саламаттык сактоо министрлигинин облустагы координатору Мирбек Сагынбаев билдирди.

Анын айтымында, облуста бардыгы болуп коронавирус жуктуруп алган 10 адам катталган жана бүгүнкүгө чейин алардын тогузу айыгып чыккан. Ал эми 5-майда онунчу бейтап, Балыкчы шаарынын Орусиядан келген тургуну сакайып, үйүнө чыгарылды. Анын экинчи жолку ПЦР анализи таза чыкты:

«Азыркы тапта Ысык-Көл облусунда COVID-19 менен ооруган бейтап жок, бардыгы сакайып, үйүнө чыгарылды. Ал эми 70ке жакын адам байкоо иретинде обсервацияда жатат. Алардын көбү чет мамлекеттен келгендер, абалы туруктуу».

Жалпысынан 5-майга карата Кыргызстанда коронавирус 843 адамдан табылды, алардын ичинен 11 бейтап кайтыш болду. Сегиз бейтап оор абалда, алардын бешөө жандандыруу бөлүмүндө жатат. 600 бейтап айыгып чыкты. (KS)

XS
SM
MD
LG