Линктер

ЧУКУЛ КАБАР!
28-Январь, 2021 бейшемби, Бишкек убактысы 17:02

Чек ара кызматы: Атышуу токтогон, кыргыз жана тажик чек ара өкүлдөрү жолугушуу өткөрүүдө


Иллюстрациялык сүрөт.

Ушу тапта Кыргызстандын чек ара өкүлдөрү тажикстандык чек ара өкүлдөрү менен ортодогу мамлекеттик чек ара тилкесинде түзүлгөн кырдаалды жөнгөрүү боюнча жолугушуу өткөрүп жатышат. Бул тууралуу Кыргызстандын Чек ара кызматы кабарлады.

Мекеменин маалыматына караганда, ок атышуу токтоду:

“Бул чыр-чатак тажик аскер кызматкерлеринин чагымчыл аракеттери менен коштолуп, күтүүсүздөн (такталган маалыматтар боюнча) топтук куралдан кыргыз чек арачылары жана кыргыз жарандары тарапка ок атышкан”.

Кыргыз тараптын расмий маалыматына караганда, үч кыргызстандык чек арчы ар кандай оордуктагы жараат алган, аларга медициналык жардам көрсөтүлүүдө.

Тажик тарап окуяга “Тажикстанга тиешелүү төрт гектар жерди Кыргызстандын жарандары өз алдынча ээлеп алганы” себеп болду деп билдирди.

Тажикстандын Улуттук коопсуздук боюнча мамлекеттик комитетинин Чек ара аскерлеринин басма сөз кызматы тараткан маалыматта эки тажик жаран оор жараат алганы айтылды.

Кыргызстандын Мамлекеттик чек ара кызматынын басма сөз кызматы 8-майдагы окуя тууралуу «Баткен облусунун Баткен районунун Көк-Таш айылындагы Чек жерлигинде, аталган жерге тиешелүү болгон 50 сотых жерди талашып Кыргызстан менен Тажикстандын чек арага чектешкен аймагындагы жергиликтүү жашоочулар ортосунда чыр-чатак орун алган» деп билдирди.

Баткен облустук ооруканасынын жетекчилиги ок тийген үч аскер кызматкери жана таш тийген бир жай тургун ооруканада экенин "Азаттыкка" маалымдады. (RK)

Пикирлерди көрүңүз (4)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG