Линктер

ЧУКУЛ КАБАР!
29-ноябрь, 2020 жекшемби, Бишкек убактысы 04:23

Рок-н-роллго негиз салгандардын бири Литл Ричард көз жумду


Лос-Анжелесте 9-майда рок-н-роллго негиз салгандардын бири, америкалык ырчы, пианист жана композитор Литл Ричард 87 жашында көз жумду.

Өз аты Ричард Уэйн Пенниман. Анын уулу Дэнни Пенниман атасынын акка моюн сунганын "Rolling Stone" журналына кабарлаган.

Рок-н-роллдун атасы деп сыпатталган Литл Ричард соңку кездери ооруп жүргөнү айтылган. Бир канча жолу операция жасалып, өз алдынча баса албай калган.

Анын алгачкы белгилүү "Tutti Frutti" ыры 1955-жылы жазылган. 1957-жылы чыгарган "Here’s Little Richard" деп аталган альбому эң көп сатылган эмгектердин бири болгон.

Музыкант 1958-1962-жылдардын аралыгында тыныгуу жасаган. Андан соң алгачкы концертин Британияда берген. 1977-жылы кайра сахнадан алыстап, дин жолуна түшкөн.

Акыркы жолу 2012-жылы концертте ырдаган.

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG