Линктер

ЧУКУЛ КАБАР!
30-ноябрь, 2020 дүйшөмбү, Бишкек убактысы 07:56

Орозо маалында ооз ачуу өткөргөн чайканалар айыпка жыгылат


Иллюстрациялык сүрөт.

10-майда биринчи вице-премьер-министр Кубатбек Боронов маалымат берип, орозо айында жарандарды ооз ачууга чогулбоого чакырды. Бул күндөрү чайканаларды патрулдук милиция текшерип, ооз ачуу уюштурганы аныкталса айыппул салынат.

«Ооз ачмай деп чайканага чогулмайды токтотуш керек. Ошондой чайканага топтолгондор аныкталса, анын ээси чоң суммадагы айып төлөйт», - деди Боронов.

Кыргызстанда коронавирус алгач 18-мартта аныкталып, 10-майда бул ооруну жугузгандардын саны миң кишиден ашты. Алардын 675и айыгып, 12си көз жумду.

Бийлик 22-мартта өлкөдө өзгөчө кырдаал жарыялап, 25-мартта айрым аймактарга өзгөчө абал режими киргизилген. Баскыч-баскычы менен чектөөлөр жеңилдеп, 11-майдан тартып өзгөчө абал режими алынат. Ошол эле маалда 22-мартта киргизилген өзгөчө кырдаал режими сакталат. Аймактардан бири-бирине өтүүдө санитардык-карантиндик посттор иштей берет. (TSh)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG