Линктер

ЧУКУЛ КАБАР!
20-Январь, 2021 шаршемби, Бишкек убактысы 09:53

Иштөөгө уруксат алгандарга кагаздарын толуктоого эки күн берилди


Иллюстрациялык сүрөт.

Коронавируска каршы республикалык ыкчам штаб 11-майдан тартып Бишкек шаарынын аймагына кирүү тартиби тууралуу түшүндүрмө берди.

Штаб тараткан маалыматка караганда, уруксат берилген мекеме-жайларда иштегендердин колунда жумушунан маалымдама болушу зарыл. Ал маалымдамада райондук салык кызматынын же акимчиликтин мөөрү болууга тийиш.

Жеке ишкерлердин колунда патенти болушу керек.

Маалымдама жана патент алууга убакыт 13-майга чейин берилди.

Ал эми иштөөгө уруксат бериле электер көчөгө маршруттук баракча менен гана чыга алат.

Штаб тараткан маалыматта «шаар боюнча азык-түлүк дүкөндөрүнөн, дарыканадан, медициналык мекемелерден тышкары жактарга кыймыл чектелерин жана адамдарда өздүгүн күбөлөндүрүүчү документ менен маршруттук баракча болушу керек экенин эскертебиз» деп айтылат.

Жалпысынан 11-майга карата Кыргызстанда коронавирус 1016 адамдын анализинен табылды, алардын 12си кайтыш болду. Айыгып чыккандар - 688 адам.

Коронавирус коркунучуна байланыштуу Кыргызстандын айрым аймактарында өзгөчө абал режими жарыяланып, коменданттык саат киргизилген. Бул эреже 11-майдан тартып токтоду, бирок өзгөчө кырдаал режими уланууда. Айрым мекеме-ишканаларга акырындап уруксат бериле баштады. Жеке автотранспорт менен жүрүүгө уруксат бар, коомдук транспорт иштей элек. (RK)

Пикирлерди көрүңүз (3)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG