Жогорку Кеңештин Социалдык маселелер, билим берүү, илим, маданият жана саламаттык сактоо боюнча комитетинин 11-майдагы жыйынында өкмөттүн 2019-жылдагы иши канааттандырарлык деп табылды.
Комитет мүчөлөрү акыркы кырдаалга жараша өкмөттүн иши көптүгүн эске алуу менен отчётту кабыл алып берүү тууралуу чечимге келишти. Жыйында айтылган сын-пикирлер эске алынмай болду.
Депутаттарга вице-премьер-министр Аида Исмаилова баштаган өкмөт өкүлдөрү жүргүзүлүп жаткан иштер, коронавируска каршы күрөш тууралуу маалымат беришти.
Парламент комитеттеринен кийин өкмөттүн отчету 14-майдагы жалпы жыйында каралат. (NT)
