Линктер

ЧУКУЛ КАБАР!
17-Январь, 2021 жекшемби, Бишкек убактысы 11:36

Польшада жоочулукка азгырган деген шек менен төрт тажик жараны кармалды


Иллюстрациялык сүрөт.

Польша бийлиги согушкерликке үндөгөнгө аракет кылган деп шек саналган төрт тажик жараны кармалганын билдирди. Өкмөт өкүлү Станислав Зарын бул жарандар эми өлкөдөн чыгарыларын, мындан ары алардын Польшага, дегеле Шенген аймагына келишине тыюу салынарын айтты. Анын сөзү боюнча, «Ислам мамлекети» террорчул тобунун идеяларына шыктанып жүргөн бул тажик жарандары 7-майда камакка алынган.

Ушул айдын башында Албанияда Германия террор үчүн айыптаган тажик жараны Интерполдун жардамы менен колго түшкөн. Жергиликтүү маалымат каражаттары ал 24 жаштагы Комром Зухуров аттуу адам экенин, «Ислам мамлекети» террордук уюмунун мүчөсү деп шек саналып жатканын жазып чыгышкан.

Анын алдында Германияда 15-апрелде «Ислам мамлекети» террордук уюмунун мүчөлөрү деген шек менен Тажикстандын төрт жараны камакка алынган. Полиция алар Түндүк Рейн-Вестфалия аймагынын ар кайсы жерлеринен колго түшкөнүн, Германиядагы АКШнын аскердик жайларына кол салууну көздөп жүрүшкөнүн билдирген. Колго түшкөн 24-32 жаштагы жарандар Германияда качкын катары жашап жатышкан.

Прокурорлордун айтымында, алар алгач өз мекенинде кол салуу уюштурууну көздөшкөн, кийин оюн өзгөртүп, Германиядагы АКШнын аскердик жайларын жана ислам динин сындаган деген бир адамды бутага ала башташкан. Алар Сириядагы жана Ооганстандагы «Ислам мамлекети» террордук уюмунун жогорку даражалуу эки өкүлү менен такай байланышып жүрүшкөн.

Тажикстан Европада камакка алынып жаткан жарандарына байланыштуу комментарий берген эмес.

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG