Линктер

ЧУКУЛ КАБАР!
25-ноябрь, 2020 шаршемби, Бишкек убактысы 14:22

Санкт-Петербургда СOVID-19ду дарылаган ооруканада өрт чыкты


Иллюстрациялык сүрөт.

Санкт-Петербургда коронавируска чалдыккандар дарыланып жаткан ооруканада өрт чыгып, беш киши мерт болду. Өрт Ыйык Георгий атындагы оорукананын реанимация бөлүмүндө шейшембинин таңында чыккан. Баштапкы маалыматка караганда, өрттүн чыгышына өпкөнү жасалма дем алдыруучу аппараттын ишиндеги мүчүлүштүк себеп болгон.

ТАСС маалымат агенттиги каза болгондордун баары коронавирустан жабыркап, аппараттын жардамы менен дем алып жаткандар болгонун жазды. 150дөй киши коопсуз жайга көчүрүлдү. Окуя боюнча кылмыш иши козголду. 9-майда Москвада COVID-19дан дарылангандар жаткан ооруканада өрт чыгып, бир аял каза тапкан.

Петербург коронавирус жуккандардын саны боюнча Орусияда үчүнчү орунда турат. 12-майга карата ал жакта бул инфекция менен ооругандардын саны 7700дөн ашты.

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG