Линктер

ЧУКУЛ КАБАР!
1-октябрь, 2020 бейшемби, Бишкек убактысы 04:05

58 өлкөдө тогуз миңдей кыргыз жараны мекенине кайтууга жардам күтүп жатат


Бишкек. "Манас" аэропорту.

Бүгүнкү күнгө карата дүйнөнүн 58 өлкөсүндө 8712 кыргызстандык жаран кыргыз өкмөтүнөн мекенине кайтууга жардам күтүп жатат. Бул тууралуу 12-майда онлайн брифингде тышкы иштер министри Чыңгыз Айдарбеков билдирди.

Анын айтымында, коронавируска байланыштуу чек аралар жабылып, чектөөлөр киргизиле баштагандан бери 23 өлкөдөн учак жана автоунаа менен 9196 адам, алардын 995и соңку 12 күндүн ичинде алынып келинди.

Май айынын аягына чейин дагы 1 миңге жакын кыргызстандыкты мекенине кайтаруу планы бар: Катардан 36, Кувейттен 105, Ирандан 16, Германиянын Франкфурт-на-Майне шаарынан 58, Түркиянын Стамбул шаарынан 349, Орусиянын борбору Москвадан 402, Корея Республикасынан 35, Жапониядан 30 жана Беларустан 37 адам.

Айдарбеков бул багытта иш күнү-түнү жүрүп жатканын билдирди.

15-апрелде Жогорку Кеңештин жалпы жыйынында коронавирустун айынан чек аралар жабылгандыктан мекенине кайта албай жаткан кыргыз жарандары тууралуу маселе кызуу талкууланган.

29 апрелде Кыргызстандын Тышкы иштер министрлиги мекенине кайтууну пландап, бирок коронавирустун айынан чет мамлекеттерде калууга мажбур болгондорду сабырдуулукка чакырган. (RK)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG