Линктер

ЧУКУЛ КАБАР!
24-Январь, 2021 жекшемби, Бишкек убактысы 21:11

Абылгазиев: Былтыр 120 миң мугалимдин айлыгы 30% көбөйдү


Иллюстрациялык сүрөт.

2019-жылы республикалык бюджеттен 5 млрд. сом бюджеттик кызматкерлердин айлык акысын көтөрүүгө жумшалды. Анын ичинен 120 миң мугалимдин айлык акысы 30% көбөйдү. Бул тууралуу өкмөт башчы Мухаммедкалый Абылгазиев бүгүн, 13-майда парламентте өкмөттүн былтыркы иши тууралуу маалымат берип жатып билдирди:

«Бүгүнкү күнү бийик тоолуу аймактарда мугалимдер 30 миң сомго чейин айлык алып жатышат. Мугалимдердин айлык акысын көтөрүү менен биз бул кесиптин артыкчылыгын көрсөтө алдык».

Абылгазиевдин маалыматына караганда, 2019-жылы Кыргызстанда 132 мектеп жаңыдан курулду, 10 бала бакчанын имараты мамлекеттин карамагына кайтарылды. 185 мектепте балдар ысык тамак ичишет.

Премьер-министр 2019-жылы билим берүү тармагына мамлекеттик бюджеттен ички дүң өнүмдүн 5,5% бөлүнгөнүн кошумчалады. (ZKo)

Пикирлерди көрүңүз (5)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG