Линктер

ЧУКУЛ КАБАР!
21-Январь, 2021 бейшемби, Бишкек убактысы 04:24

Жогорку Кеңеш өкмөттүн 2019-жылдагы отчётун колдоду


Мухаммедкалый Абылгазиев.

13-майда Жогорку Кеңеш өкмөттүн 2019-жылдагы иши жөнүндө токтомду көпчүлүк добуш менен кабыл алды. 96 депутат «макул», беш депутат «каршы» деп добуш берди.

Премьер-министр Мухаммедкалый Абылгазиев баштаган өкмөт мүчөлөрү бир күн бою депутаттардын суроолоруна жооп беришти. Өкмөт 2019-жылы ички дүң өнүмдүн көлөмү 4,5% арбыганын, эл аралык рейтингдеги Кыргызстандын көрсөткүчү жогорулаганын, инвестиция, экспорт сыяктуу бир топ тармактарда өсүш болгонун билдирди.

Бирок айрым депутаттар өкмөттүн иши кескин сындап, ал өлкө тарыхындагы чабал өкмөттөрдүн бири болгонун белгилешти. Алар өлкөдө ири долбоорлор ишка ашпаганын, экономика статистикалык сандарда өсүп, элдин турмушуна реалдуу жардам болбогонун белгилешти.

Маселен, депутат Абдывахап Нурбаев Мухаммедкалый Абылгазиевди эгемен Кыргызстандын тарыхында эң узак мөөнөт өкмөттү жетектеген жана ошол эле учурда бюджетти аткарбаган өкмөт башчы деп атады.

Мухаммедкалый Абылгазиев башында турган отузунчу өкмөт ишке 2018-жылы 20-апрелде киришкен. (TSh)

Пикирлерди көрүңүз (4)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG