Линктер

ЧУКУЛ КАБАР!
2-декабрь, 2020 шаршемби, Бишкек убактысы 21:17

Депутат өкмөт башчы тасмасын кесип ачкан ишканалар иштебей калганын айтты (видео)


«Ат-Башы» индустриялык соода логистикалык борборунун долбоору.

Жогорку Кеңештин депутаты Мирлан Жээнчороев 13-майдагы парламент жыйынында ачылышына өкмөт башчы катышкан долбоорлор ишке ашпай калганын айтып, алардын тагдырына кызыкты:

««Искра Азияга» 1 млрд. сом келет» дегенсиз. 70 гектар Чүйдө жана Ат-Башыдагы логистикалык борбор. Үчөөнүн тең тасмасын кескенсиз. Эмне себептен иштебей калды?».

Премьер-министр Мухаммедкалый Абылгазиев Ат-Башыдагы логистикалык борбордон башка эки долбоор тең күчүндө экенин билдирди. Жакында инвесторлор келерин айтты.

Ошондой эле Мирлан Жээнчороев мамлекеттен 345 млн. сом бөлүнүп ачылган «КТ Мобайл» уюк оператору 2019-жылы 280 миң сом гана киреше тапканын сындады. Буга Абылгазиев аталган бизнес долбоордун келечеги бар экенин, анын баасы азыр 2,5 млрд. сомго көтөрүлгөнүн айтты.

13-майда Жогорку Кеңеш өкмөттүн 2019-жылдагы иши жөнүндө токтомду көпчүлүк добуш менен кабыл алды. 96 депутат «макул», беш депутат «каршы» деп добуш берди. (TSh)

Пикирлерди көрүңүз (3)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG