Линктер

ЧУКУЛ КАБАР!
29-ноябрь, 2020 жекшемби, Бишкек убактысы 05:06

Нурматов: Москвада миграция кызматкерлерине вирус жуккан


Дубайдан кыргызстандыктарды алып келген чартердик учак. 10-май, 2020-жыл.

Мамлекеттик миграция кызматынын Орусиядагы өкүлчүлүгүндө айдоочусунан башка бардык кызматкерлерине оору жукканы тууралуу маалыматты Жогорку Кеңештин депутаты, «Кыргызстан» фракциясынын мүчөсү Кубанычбек Нурматов бүгүн, 14-майда парламентте айтып чыкты:

«Мамлекеттик миграция кызматынын айдоочусунан башка бардык кызматкерлерине оору жугуптур. Алар күнү-түнү мигранттар менен иштеп жатышат. Коронавирус Ички иштер министрлигинин өкүлдөрүнө да жуккан деген маалымат бар. Муну мага Мамлекеттик миграция кызматынын жетекчилиги кабарлады».

Депутат мигранттар менен иштеп жаткан элчиликтин, миграция кызматынын кызматкерлерине да медиктер менен тең катар акчалай кенемте төлөнүп берилүүгө тийиш деп эсептейт.

Кубанычбек Нурматов сырттагы кыргызстандыктарды колдоо максатында бөлүнгөн 15 млн. сомду кайра карап чыгууну сунуш кылды. Депутат Аалы Карашев да ушундай сунуш киргизди.

Чет өлкөлөрдөн келе албай калган кыргызстандыктарды алып келүү маселеси коронавирус пандемиясы жарыялангандан бери көтөрүлүп келет. Февраль айынан бери чет өлкөлөрдө мекенине кайта албай калган сегиз миңдей киши Кыргызстанга кайтарылган.

Учурда мекенине кайтууну көздөп, элчиликтерге кайрылган кыргызстандыктардын саны эки миңден ашканы кабарланууда.

Орусиядан, Бириккен Араб Эмираттарынан жана Түркиядан кыргызстандыктарды алып келиш үчүн чартердик каттамдар жалданган.

Орусиянын Соль-Илецк шаарынан мигранттар автобустар менен алынып келген. (ZKo)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG