Линктер

ЧУКУЛ КАБАР!
17-Январь, 2021 жекшемби, Бишкек убактысы 11:54

Ош шаарында дүкөндөрдүн ишине чектөө киргизилди


Иллюстрациялык сүрөт.

Ош шаарындагы соода түйүндөрүнүн ишине 15-майдан тарта чектөө кирди. Мэриянын чыгарган буйругунун негизинде ири жана чакан азык-түлүк дүкөндөрү саат 08:00дөн 21:00гө чейин иштеши кажет.

Бул тууралуу «Азаттык» радиосуна мэриянын басма сөз катчысы Азамат Абсаттаров билдирди.

Анын айтымында, дүкөндөрдүн ишин жергиликтүү бийликтен сырткары шаардык ички иштер башкармалыгы жана ӨКМ көзөмөлдөп, калкка түшүндүрүү иштерин жүргүзүшмөкчү.

«Коменданттык саат алынгандан кийин дүкөндөрдө түнкү саат 12ге чейин кишинин саны көбөйө баштады. Түн жамынып жүргөндөр да көбөйүп кеткенине байланыштуу ушундай чектөө кабыл алынды. Бир жумадан бери шаарда коронавирус катталбай калган эле. Кечээ күнү бир учур, аны менен байланышта болгон дагы төрт кишиден чыгып жатат. Адамдардын байланышын азайтуу үчүн ушундай чара кабыл алынды», - деди Абсаттаров.

Ош шаарында 25-марттан 30-апрелге чейин өзгөчө абал жарыяланып, кийин 10-майга чейин узартылган. 11-майдан тартып Ош шаарында өзгөчө абал алынып, карантиндик режим калтырылды.

Шаардын аймагында сегиз карантиндик-санитардык пост, шаар ичинде 20дан ашык көчмө пост иштеп жатат. (DU)

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG