Линктер

ЧУКУЛ КАБАР!
21-сентябрь, 2020 дүйшөмбү, Бишкек убактысы 05:00

Элчилик: Орусиядан апта сайын чартердик каттамдар уюштурулат


Новосибирскиден Кыргызстанга кайта албай турган мигранттар. 30-март, 2020-жыл. Иллюстрациялык сүрөт.

Кыргызстандын Орусиядагы элчилигинин маалыматына караганда, май айынын аягынан тартып апта сайын чартердик каттамдар уюштурулат. Мындан тышкары Тышкы иштер министрлиги Оренбург шаарынан да Бишкекке чартердик каттам уюштуруу маселесин карап, бул багытта сүйлөшүүлөр жүрүп жатат. Маалыматка ылайык, бул каттам менен 200 кыргызстандык, негизинен кош бойлуулар, оорулуу жана улгайган адамдар жиберилет.

Элчилик Оренбург облусунун Бузулук районунда турган 500гө жакын кыргызстандыкты мекенине кайтаруу аракети уланып жатканын маалымдады. 17-майда Бузулукка элчиликтин тажрыйбалуу кызматкерлери сүйлөшүүлөрдү жүргүзүү үчүн жөнөп кетишкен. Оренбург облус бийлигинин, аймактагы кыргызстандык диаспоралардын жардамы менен Бузулуктагы жарандардын тамак-аш маселеси чечилди.

Элчиликке караштуу түзүлгөн штаб Казакстандын чек аралары жабык экенин эскертип, кыргызстандыктарды машине менен жолго чыкпоого үндөдү. Мындан тышкары Орусиядагы мекендештерди орус мыйзамдарына ылайык санитардык-карантин эрежелерин так сактоого, өзүнүн жана жакындарынын саламаттыгына жоопкерчиликтүү болууга чакырган.

Майдын алгачкы жумасында Оренбург облусунда орус-казак чек арасынан Кыргызстанга өтүп кетүүнү суранып 250дөй кыргыз мигранты топтолуп турганы кабарланган. 7-майда Соль-Илецк аймагынан 519 кыргызстандык тогуз автобус менен Кыргызстанга жеткирилген. Ондогон айдоочу ошол жерде калган. Андан бери да Оренбургга карай агылган кыргыздардын аягы тыйылбай, талаада чатырда жаткандар 500гө жакындап калганы кабарланды. (ZKo)

Пикирлерди көрүңүз (4)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG