Линктер

ЧУКУЛ КАБАР!
28-май, 2020 бейшемби, Бишкек убактысы 23:14

Өзбекстан Кыргызстандан цемент импорттоодогу чектөөнү алды


Кызыл-Кыядагы цемент заводу. Иллюстрациялык сүрөт.

Өзбекстандын премьер-министри Абдулла Ариповдун 22-майдагы токтому менен 23-майдан тарта Кыргызстандан Өзбекстанга цемент тоскоолдуксуз сатыла баштайт. Буга Кыргызстандын өкмөт башчысы
Мухаммедкалый Абылгазиевдин өтүнүчү негиз берди.

Кыргызстандын премьер-министри Мухаммедкалый Абылгазиев Өзбекстандын өкмөт башчысы Абдулла Арипов менен телефон аркылуу сүйлөшүп, 1-майдан 31-декабрга чейинки убакта цемент импортуна чектөө киргизүү тууралуу чечимин карап чыгышын өтүнгөн.

Сүйлөшүүдө эки тараптуу кызматташтыктын маанилүү маселелери тууралуу да сөз болгон. Анын ичинде кыргыз-өзбек чек арасына байланыштуу жана коронавирустун жайыышына жол бербөө маселелери талкууланып, тараптар кызматташтыктын бардык маселелери боюнча маалымат алмашууга макулдашкан.

Кыргызстандын өкмөттүк аппараты маалымдагандай, бүгүнкү күндө Өзбекстандан Кыргызстанга азык-түлүк жана башка товарлар эч кандай тоскоолдуксуз өтүп жатат. (ZKo)

Пикирлерди көрүңүз (14)

XS
SM
MD
LG