Линктер

ЧУКУЛ КАБАР!
26-ноябрь, 2020 бейшемби, Бишкек убактысы 01:31

АКШ "Талибандын" Орозо айт учурунда атышууну токтотуу демилгесин кубаттады


АКШнын Ооганстан боюнча чабарманы Залмай Халилзад.

Ооганстан өкмөтү менен "Талибан" кыймылынын Орозо айтты майрамдоо учурунда ок атышууну токтотуу тууралуу билдирүүсүн АКШ кубаттады.

Кошмо Штаттардын Ооганстан боюнча атайын чабарманы Залмай Халилзад: "Биз "Талибан" кыймылынын Айт майрамы учурунда атышууну токтотуу тууралуу чечимин жана ооган өкмөтүнүн ага үндөш билдирүүсүн кубаттайбыз", - деп билдирди.

Ал "Твиттердеги" баракчасына "бул чечимдерге удаа эле АКШ менен талиптердин келишиминдеги кийинки кадамдар аткарылышы: камактагылар бошотулушу керек", деп жазды.

Халилзад тараптар зомбулукту токтотуп, тынчтык келишими жөнүндө сүйлөшүүнүн күнүн макулдашууга жетишкени дурус деп билдирип, "бул мүмкүнчүлүктү колдон чыгарбоо керек. АКШ жардам берүү үчүн колдон келгенин жасайт", деп жазды.

Ушул жылдын февраль айынын соңунда АКШ менен «Талибан» бир канча жылдан бери уланып келе жаткан согушту токтотуу боюнча тынчтык келишимине кол койгон. Андагы шарттардын бирине ылайык, Кабул камактагы 5 миң талибди коё бериши керек эле. «Талибан» да туткундагы миң кишини эркиндикке чыгарууга тийиш болчу. Ошондо гана оогандардын өз ара ички диалогу башталмак.

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG