Линктер

ЧУКУЛ КАБАР!
13-Июнь, 2021 жекшемби, Бишкек убактысы 08:16

Жасинда Ардерн жер титирөөдө сабырдуулугун көрсөттү


Жасинда Ардерн.

Жаңы Зеландиянын премьер-министри Жасинда Ардерн күнүмдүк брифингде сүйлөп жаткан маалда жер силкинди. Азыноолак тынчсызданган Ардерн эки жагын карап сөзүн улантты. Бул видео дароо социалдык тармактарга жайылып кетти жана анын солк этпеген токтоо мүнөзүн мактагандар көп болду.

25-майда, эртең менен баш калаа Велингтондо болгон жер титирөөнүн күчү 5,8 баллга жеткени маалым болду.

2017-жылы өкмөт башчылыкка келген 39 жаштагы Ардерн Жаңы Зеландияда карантинди убагында киргизип, коронавируска каршы ийгиликтүү күрөш жүргүзгөнү үчүн калкынын арасында популярдуу болуп жатат.

Ал буга чейин, эки жыл мурдагы мечитте болгон кандуу калабада өзүн алып жүргөнү жана былтыр жыл соңунда жанар тоо атылган маалда да туура чечимдерди кабыл алганы үчүн элинин алкоосуна арзыган.

Беш миллиондой калкы бар Жаңы Зеландияда коронавирусту бир жарым миңдей киши жуктуруп алып, анын 21и көз жумду.

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG