Сузак районунун Ынтымак айылындагы көпүрөдө Көк-Арт дарыясына боюн таштаганы жаткан 39 жаштагы кишини милиция кызматкерлери куткарып калышты. Жалал-Абад облустук ички иштер башкармалыгынын басма сөз кызматынын маалыматына караганда куткарылган адам мас абалдагы шаар тургуну экендиги такталып, үй-бүлөсүнө жеткирилген.
Окуя 24-майдын түнүндө болуп, милициянын кайгуул-күзөт кызматынын өзүнчө ротасынын кызматкерлерине такси айдоочусу кабар берген. (RsK)