Линктер

ЧУКУЛ КАБАР!
24-ноябрь, 2020 шейшемби, Бишкек убактысы 23:50

Телекөрсөтүү менен радиоуктурууга байланыштуу мыйзам долбоору сынга кабылды


Кыргызстан DVB-T2 санарип агымын тандап алган.

КСДП фракциясынын мүчөсү, Жогорку Кеңештин депутаты Дастан Бекешев Кыргызстандын акысыз санарип куржунуна Орусиянын 1-каналы менен РТР каналы кирип калганына нааразылыгын билдирип, мыйзам долбоорун четке кагууну сунуш кылды. Депутаттын айтымында, Орусиянын эки каналын алып бергени үчүн бюджеттен акча төлөнөт.

«Биз бул эки каналга мультиплекстен акысыз орун бергенбиз. Андан тышкары 2023-жылга чейинки берүүлөрү үчүн алдын-ала элдин акчасын төлөп берип жатабыз. Алардын контентин карагыла, Соловьев отуруп алып, Кыргызстанды шыбап атат. Биз ага бул үчүн акча төлөп берип жатабыз. Ошондуктан бул мыйзам долбоорун четке кагышыбыз керек».

Анын сунушун «Республика - Ата Журт» фракциясынын мүчөсү, Жогорку Кеңештин депутаты Мирлан Жээнчороев колдоп чыкты. Маселени күн тартибинен алып салуу жөнүндө сунуш добуш берүүгө коюлду. Бирок өткөн жок.

Аягында мыйзам долбоору добуш берүүгө жиберилди.

Маданият, маалымат жана туризм министринин маалыматына караганда, бүгүнкү күнү Кыргызстанда 60тан ашуун менчик ТВ, радио каналдар бар.

Кыргызстан санарип телекөрсөтүүгө 2016-жылы өткөн. (ZKo)

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG