Линктер

ЧУКУЛ КАБАР!
15-Июнь, 2021 шейшемби, Бишкек убактысы 13:30

Бала асырап алуучуларга кызмат көрсөтө турган сайт иштелип чыкты


Иллюстрациялык сүрөт. Бул жаңылыкка тиешеси жок.

Эмгек жана социалдык өнүктүрүү министрлиги бала асырап алуучуларга кызмат көрсөтө турган электрондук портал иштеп чыкты. Маалыматка караганда, аталган порталда ата-энеси баш тарткан балдардын саны, жынысы, жашы жана улуту тууралуу маалыматтар жайгаштырылат.

Аны Кыргызстандын жарандары өлкөнүн бардык аймактарында онлайн көрсө болот. Андан тышкары бала асырап алууну каалаган адам ошол эле портал аркылуу Эмгек жана социалдык өнүктүрүү министрлигинин аймактык бөлүмүнө арыз менен кайрыла алат. Багып алгысы келген бала менен жолугушуу үчүн жана аны асырап алуу боюнча электрондук түрдө уруксат алса болот.

Сөз болуп жаткан сайттын ачылышы 29-майда өтөт. Эмгек жана социалдык өнүктүрүү министрлигинин мындан эки ай мурун берген маалыматы боюнча, акыркы беш жылда Кыргызстанда 4241 бала асыроого берилген. Анын ичинен 91 баланы чет өлкөлүк жарандар багып алышкан.

Бул боюнча толук маалыматты http://158.181.187.203:3000/main дарегинен алса болот.

Бала багып алгысы келгендер баланы асырап алуу процедурасы жеңил эмес экенин, бул үчүн толгон-токой документ топтоп жылдап кезек күтүү зарыл экенин айтып келишет. Адистер муну бала сатууга жол ачкан факторлордун бири катары баалашат. (BTo)

Пикирлерди көрүңүз (24)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG