Линктер

ЧУКУЛ КАБАР!
21-Июнь, 2021 дүйшөмбү, Бишкек убактысы 00:05

АКШда алтынчы түн катары менен нааразылык акциялары уланды


Ак үйдүн жанындагы нааразылык акциясы. Вашингтон. 31-май, 2020-жыл.

АКШда ынды кара Жорж Флойддун өлүмүнөн кийин расалык теңсиздикке каршы толкундоолор алтынчы түнү да уланды.

Өлкөнүн 40тан ашуун шаарларына коменданттык саат киргизилгенине карабай, нааразылык акциялары түндө да уланды. Нью-Йорк, Чикаго, Филаделфия, Лос-Анджелес шаарларында демонстранттар менен полиция кагылышканы кабарланды. Чогулгандарды кууп таркатыш үчүн полиция жаш агызчу газ жана желим окторду пайдаланууда. Айрым шаарларда дүкөндөр тонолуп, полициянын автоунаалары өрттөлдү.

1-июнда АКШнын Улуттук гвардиясынын беш миңге жакын аскери Вашингтондо жана дагы 15 штатта коомдук тартипти камсыз кылууга тартылганы маалымдады.

31-майда Вашингтондо чогулгандар Ак үйдүн жанына келип, от жагышты. Полиция тарапка таш, желим бөтөлкөлөр, кыш жана башка нерселер менен аткылаганы кабарланды.

Жума күнү президент Дональд Трамп жубайы жана уулу менен коопсуздук максатында Ак үйдүн алдындагы бункерге жайгаштырылган.

1-июнда президент Трамп «Антифа» («Антифашисттик аракет») кыймылын террордук топтордун тизмесине кошорун эскертти. Улуттук гвардияга башаламандыкты токтотууга кошкон салымы үчүн ыраазычылык билдирди. Маалымат каражаттарын «жек көрүүнү жана анархияны күчөтүш үчүн баарын жасап жатышат» деп айыптады.

Демонстранттар Жорж Флойддун өлүмү үчүн төрт полиция кызматкерин жоопко тартууну талап кылышууда.

Жасалма акча үчүн айыпталган 46 жаштагы Жорж Флойд 25-майда полиция тарабынан кармалгандан кийин, ооруканада каза тапкан. Анын кармалган учуру тартылган видео Интернетке тараган. Анда полиция кызматкери Дерек Шовин Флойддун мойнун тизеси менен басып турганы, Жорж дем ала албай жатканын айтып жатканы тартылган.

Флойдду кармоого катышкан төрт полициячы иликтөөнүн аягына чейин кызматынан четтетилген. Дерек Шовин камакка алынган.

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG