Линктер

ЧУКУЛ КАБАР!
7-Май, 2021 жума, Бишкек убактысы 17:26

Штаб: Олуттуу себеп болбосо Бишкек шаарына каттоонун кереги жок


Бишкек. 2020-жылдын май айы.

Өкмөт эгер олуттуу себеп болбосо Бишкек шаарына каттоонун кереги жок деп эсептейт. Бул тууралуу 3-июнда Коронавируска каршы республикалык ыкчам штабдын отурумунда айтылды.

Биринчи вице-премьер-министр Кубатбек Боронов муну борбор калаада инфекциянын жугуу коркунучу жогору болуп турганы менен түшүндүрдү.

Отурумда Бишкектеги соода-сатык жайлары, соода борборлору, дүкөндөр, кафелер жана коомдук транспорт сыяктуу коомдук жайларда санитардык эрежелер сакталбай жатканына байланыштуу сын айтылып, мындай абал шаардагы эпидемиологиялык абалды начарлатары белгиленди.

Жалпысынан 18-марттан 3-июнга чейин Кыргызстанда коронавирус 1871 адамдан табылды, алардын ичинен 20 бейтап кайтыш болду, 1265 адам айыгып чыкты.

Ооругандар башка аймактарга салыштырганда Бишкекте көп – 582 адам. Буга чейин айтылгандай, борбор шаарда коронавирус жуккандардын саны Ленин районунда көп болууда.

Бишкектин эки районунда акимчилик кызматкерлеринен коронавирус табылганы маалым болду. Баш калаадагы Инфекциялык оорукана орундар толуп, кызматкерлерине оору жуккандыктан убактылуу обсервацияга жабылган. Мындан тышкары бир катар медициналык жайда иштегендер арасынан, соода борборлорунун биринин сатуучусунан да вирус табылган. (RK)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG