Линктер

ЧУКУЛ КАБАР!
22-Июнь, 2021 шейшемби, Бишкек убактысы 15:55

Кыргызстан Кытайга «Торугарт» чек ара бекети боюнча өз сунушун берди


Торугарт

Кыргызстандын мамлекеттик бажы кызматы Кытайдын бажы башкармалыгы менен кыргыз-кытай чек арасындагы «Торугарт» көзөмөл-өткөрүү жайынын ишин жандандыруу маселесин талкуулашты. Бул тууралуу өкмөттүн басма сөз кызматы маалымдады.

Онлайн өткөн жыйында кыргыз тарап жүк ташуучу автоунаалардын айдоочуларынын ПЧР-тесттерди тапшыруусу каралган алгоритмди сунуш кылды. Кытайдын тиешелүү органдары алгоритмди кыска мөөнөттө карап чыгып, өз шарттарынын тизмесин жөнөтөрүн билдирди.

Буга чейин Тышкы иштер министрлиги кыргыз-кытай чек арасындагы «Торугарт» өткөрмө бекети 8-июндан тарта иштей баштарын маалымдаган.

Кыргызстан менен Кытайдын ортосунда автомобилдик эки өткөрмө бекети бар - Ош облусундагы «Эркечтам» жана Нарын облусундагы «Торугарт». Экөө тең коронавирус пандемиясына байланыштуу январь айында жабылган.

«Эркечтам» Кыргызстандын өтүнүчү менен 15-апрелден тарта ишин уланткан. (TSh)

Пикирлерди көрүңүз (5)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG