Кыргызстанда коронавируска чалдыккандардын 264ү 15 жашка чыга элек балдар. Бул тууралуу Саламаттык сактоо министрлиги кабарлады.
Мекеменин маалыматына караганда, алардын арасынан 33 бала бир жашка толо элек ымыркай.
20-35 жаштагылар 788 бейтап, 36-55тегилер 619 бейтап, 56 жаштан улуу курактагылардын саны 310 адам.
Жалпысынан 18-марттан 9-июнга чейин Кыргызстанда коронавирус 2055 адамдан табылды, алардын ичинен 24 бейтап кайтыш болду, 1483 бейтап айыгып кетти.
Оору жуккандардын эң көбү Бишкек шаарында – 655 адам. Нарын облусунда 399, Ош облусунда 239, Ош шаарында 236, Жалал-Абад облусунда 169, Чүй облусунда 303, Баткен облусунда 32 жана Ысык-Көл облусунда 22 адам. (RK)
