Линктер

ЧУКУЛ КАБАР!
24-Июнь, 2021 бейшемби, Бишкек убактысы 02:10

Президент Жээнбеков Ошто коомдук уюмдардын өкүлү менен жолукту


Ош шаары. Иллюстрациялык сүрөт.

Президент Сооронбай Жээнбеков Ош шаарында “Интербилим” коомдук бирикмесинин түштүк өкүлчүлүгүнүн жетекчиси Гүлгаакы Мамасалиева менен жолугушту. Анда учурунда сот-укуктук реформа, санариптештирүүнүн ишке ашырылышы, мыйзамсыз курулуштар, анын ичинде “Сулайман-Тоо” комплексинин аймагындагы маселелер жөнүндө пикир алышуу болду. Гүлгаакы Мамасалиева үйлөрү сүрдүрүлгөн жарандардын укуктарын коргоо маселесин көтөрүп, өлкөдөгү реформаларды алга жылдыруу ишин көзөмөл кылууну мамлекет башчыдан өтүндү.

Президент Сооронбай Жээнбеков сот реформасы, санариптештирүү, ичуүчү таза суу жана башка долбоорлор ишке ашырылып жатканын белгилеп, айтылган көйгөйлөрдү жеке көзөмөлүнө алууга убада берди.

Жарандык коом өкүлдөрү президент Сооронбай Жээнбеков Ош шаарына келгенде кабыл алуусун талап кылып, 8-июнда акция өткөрүшкөн.

Мамлекет башчы Ош шаарында июнь коогасынын он жылдыгына арналган эскерүүгө катышты. Мамлекет башчы Ош облусуна эки күндүк иш сапар менен 10-июнда барган. (ZKo)

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG