Линктер

ЧУКУЛ КАБАР!
9-июль, 2020 бейшемби, Бишкек убактысы 13:37

Кыргыз-казак чек арасындагы “Чалдыбар” бекети ачылды


Кыргыз-казак чек арасындагы "Ак-Жол" өткөрмө бекети. Иллюстрациялык сүрөт.

Кыргыз-казак чек арасындагы “Чалдыбар” бекети ачылды. Аталган өткөрмө бекети “Ак-Тилек” өткөрмө бекетиндеги жүк ташуучу автоунаалардын тыгынын азайтуу максатында 10-июнда ачылганын Чек ара кызматы кабарлады.

Маалыматка караганда, өткөрмө бекетинен өтүп жатканда бардык айдоочулар организминде коронавирус бар-жок экенин аныктоочу экспресс-тест тапшырууга тийиш. Анализи таза чыккан айдоочулар Казакстанга кире алышат.

Ушул тапта кыргыз-казак чек арасындагы үч өткөрмө бекети иштеп жатат. Алар: Чүй облусунда “Ак-Тилек”, «Чалдыбар», Таласта «Чоң-Капка» бекеттери.

“Ак-Тилек” менен «Чоң-Капка» чек ара бекеттеринен жарандар жана жүк ташуучу автоунаалар өтө алышат.

Булардан тышкары темир жол жүктөрү “Кайыңды” чек ара бекети аркылуу өткөрүлүүдө. (ZKo)

Пикирлерди көрүңүз

Сунуш кылынган арга.

XS
SM
MD
LG