Линктер

ЧУКУЛ КАБАР!
24-Январь, 2021 жекшемби, Бишкек убактысы 05:22

Шаардык милиция «күч кызматкерлери иш таштайт» деген маалыматты четке какты


Иллюстрациялык сүрөт.

Бишкек шаардык ички иштер башкармалыгы «Өзгөчө абал учурунда иштеген күч кызматкерлерине кошумча төлөм берилбегендиктен Бишкектин төрт районунун милиция кызматкерлери иш таштаганы жатат» деген маалыматты четке какты.

Шаардык милиция күч кызматкерлерине кенемте төлөө боюнча маселе Ички иштер министрлигинин (ИИМ) көзөмөлүндө экенин, тиешелүү документтер Финансы министрлигине жөнөтүлгөнүн кабарлады.

Kaktus.media интернет-басылмасы милициядагы жеке булактарына таянып, 15-июндан тартып Бишкектин төрт районунун милиция кызматкерлери жумушка чыкпай турганын жазды. Буга өзгөчө абал режиминде иштеген күч кызматкерлерине кошумча төлөм берилбей жатканы негиз болгону белгиленген. Бул боюнча 13-июнда жыйын болгону да жазылган.

Шаардык милиция 13-июнда Бишкек шаардык ички иштер башкармалыгынын жетекчиси Канат Жумагазиев коомдук коопсуздук боюнча жыйын өткөргөнүн, милиция штаттык режимде иштеп жатканын кошумчалады.

Кыргызстанда өзгөчө абал шартында иштеген милиция кызматкерлерине кошумча төлөм берүү боюнча маселе Жогорку Кеңеште бир нече жолу көтөрүлгөн.

Пикирлерди көрүңүз (5)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG